გიორგი ფანცულაიამ ბათუმის დინამო დატოვა - ქართველის ახალი გუნდი ცნობილია

28 წლის ფორვარდი ბოლო ორი სეზონის განმავლობაში ბათუმის "დინამოს" რიგებში გამოდიოდა, სადაც 2021 წელს ჩემპიონის ხოლო, 2022 წელს ვიცე-ჩემპიონის ტიტული მოიპოვა.

„ქართველმა თავდამსხმელმა გიორგი ფანცულაიამ ჩვენს საფეხბურთო კლუბთან კონტრაქტი გააფორმა. კარიერაში მან 85 გოლი გაიტანა და 17 საგოლე გადაცემა გააკეთა. კეთილი იყოს თქვენი მობრძანება ჩვენს ოჯახში. წარმატებებს გისურვებთ!“ - წერია გუნდის განცხადებაში.

გასულ სეზონში ფანცულაიამ  ბათუმის "დინამოში" 29 მატჩში 5 გოლი გაიტანა.

აღსანიშნავია, რომ 2022 წელს "კასპის" რიგებში ერთი ქართველი ფეხბურთელი რატი არდაზიშვილი გამოდიოდა.

შეგახსენებთ, რომ ცოტა ხნის წინ "კასპის" გუნდის მთავარ მწვრთნელად კახა ცხადაძე დაინიშნა.