ბენზემა დი სტეფანოს დაეწია და მე-6 ადგილზე გადაინაცვლა - ლიდერი უპირობოდ მესია

კარიმ ბენზემა ესპანეთის ჩემპიონატში გატანილი გოლების რაოდენობით ალფრედო დი სტაფანოს გაუტოლდა.

„რეალის“ ფორვარდმა „ვილიარეალთან“ 1:2 წაგებულ შეხვედრაში პენალტი ზუსტად შეასრულა და ეს გოლი მისთვის ლა ლიგის ფარგლებში 227-ე გამოდგა.

ბენზემა და დი სტეფანო ჩემპიონატის ყველა დროის ბომბარდირებში მეექვსე ადგილს იკავებენ, მათზე წინ ლეო მესი (472), კრიშტიანუ რონალდუ (311), ტელმო სარა (251) უგო სანჩესი (234) და რაული (228) არიან.