ჟოზე მოურინიომ ბრაზილიის ნაკრების შეთავაზება უარყო

"რომას" მთავარმა მწვრთნელმა ჟოზე მოურინიომ ბრაზილიის ნაკრებში მუშაობაზე უარი თქვა, იუწყება SPORT.es.

გამოცემის ცნობით, მას შემდეგ, რაც პორტუგალიელმა სპეციალისტმა გასულ სეზონში "რომასთან" ერთად პირველი ტიტული კონფერენს ლიგა მოიგო, სპეციალისტი ამაზე გაჩერებას არ აპირებს, რადგან მისთვის გუნდის განვითარების პროცესი მნიშვნელოვანია.

ამ დროისთვის დედაქალაქის გუნდი იტალიის ჩემპიონატის სატურნირო ცხრილში მეშვიდე ადგილზეა, 31 ქულა აქვს და დამატებით მაჩვენებლებში "ლაციოს" და "ატალანტას" ჩამორჩება.