კლოპი: "ბოდიში, მაგრამ არანაირი გამართლება არ არსებობს, სათქმელი არაფერი მაქვს"

„ლივერპულის“ მთავარმა მწვრთნელმა, იურგენ კლოპმა, „ვულვზთან“ განადგურების (0:3) შემდეგ, საკუთარი გუნდის ფორმაზე ისაუბრა.

მერსისაიდული გუნდი პრემიერ ლიგაში ზედიზედ 4 მატჩია ვერ იგებს და მე-10 ადგილზე ჩამოქვეითდა.

„არანაირი გამართლება არ არსებობს. ამის ახსნაც არ შემიძლია - მატჩის პირველი 15 წუთი საშინელება იყო. ბოდიშს ვიხდი, ეს საასწრაფოდ უნდა შეიცვალოს.

ვალდებულები ვართ, ყველაფერი ახლავე შევცვალოთ, სხვა ვერაფერს ვიტყვი. ცვლილება დაუყონებლივ არის საჭირო, შემდეგ მატჩშივე.“, - ციტირებს კლოპის სიტყვებს ფაბრიციო რომანო.