თაღლითური სქემის განსახორციელებლად, საფრანგეთში მამაკაცი თავს მბაპეს მამად ასაღებდა

საფრანგეთში 48 წლის მამაკაცი, რომლის სახელიც არ საჯაროვდება, გასამართლდა იმის გამო, რომ თავს „პსჟ-ს“ და საფრანგეთის ნაკრების ვარსკვლავის, კილიან მბაპეს მამად ასაღებდა.

Le Parisien-ის ინფორმაციით, მამაკაცმა ალჟირელი ოჯახისთვის საცხოვრებელი უფლების მოსაპოვებლად თავი უილფრიდ მბაპედ წარადგინა. ის მბაპეს სახელის გამოყენებას ელექტრონული მიმოწერის და სატელეფონო ზარების დროს ცდილობდა.

სასამართლოში მამაკაცმა ბრალი აღიარა: „მრცხვენია, ძალიან ვნანობ ჩადენილს.“