VIDEO: სუპერ თამაშმა მოლოდინი ვერ გაამართლა - ბაიერნმა პარიზში მინიმალური ანგარიშით მოიგო

ჩემპიონთა ლიგის მერვედფინალური ეტაპი „პარკ დე პრენსზე“ „პსჟ“ – „ბაიერნის“ შეხვედრით გაიხსნა.

მატჩი პარიზში გაიმართა და სტუმართა გამარჯვებით 1:0 დასრულდა. ერთადერთი გოლი 53-ე წუთზე კინგსლი კომანმა ალფონსო დევისის პასით გაიტანა.

82-ზე კილიან მბაპემ ანგარიში გაათანაბრა, თუმცა იქამდე რამდენიმე წამით ადრე საგოლე პასის ავტორი ნუნო მენდეში თამაშგარეში აღმოჩნდა და გოლი გაუქმდა.

საპასუხო შეხვედრა 8 მარტს 23:55 საათზე „ალიანც არენაზე“ გაიმართება.