VIDEO: ყველაფერი ლონდონში გადაწყდება - მილანმა სან სიროზე ტოტენჰემს მოუგო

ჩემპიონთა ლიგის მერვედფინალში „მილანმა“ შინ „ტოტენჰემი“ დაამარცხა.

შეხვედრა „სან სიროზე“ გაიმართა და მასპინძელთა გამარჯვებით 1:0 დასრულდა.

ერთადერთი გოლი მე-7 წუთზე ბრაჰიმ დიასმა გაიტანა და ეს „მილანისთვის“ მოსაგებად საკმარისი აღმოჩნდა.

სტეფანო პიოლის გუნდმა საპასუხო მატჩის წინ უპირატესობა მოიპოვა, თუმცა ყველაფერი 8 მარტს ლონდონში გადაწყდება.