დიდი ალბათობით, ვინისიუსი რეალში ახალ სეზონს ახალი ნომრით დაიწყებს

დიდი ალბათობით, ვინისიუს ჯუნიორი „რეალში“ ახალ სეზონს ახალი ნომრით დაიწყებს.

UOL Esporte-ს ინფორმაციით, ბრაზილიელს ნომრის შეცვლა ამს ეზონის სტარტზეც შეეძლო, თუმცა ამის გაკეთება ცრურწმენის გამო არ მოისურვა, რადგან ამ ნომრით თამაშისას ჩემპიონთა ლიგის ფინალში გადამწყვეტი გოლი გაიტანა.

სავარაუდოდ, ზაფხულში „რეალის“ ხელმძღვანელობა მას ნომრის შეცვლას კიდევ ერთხელ შესთავაზებს - ვინისიუსს ან ლეგენდარულ 7-ნომრიან მაისურს შესთავაზებენ, ან 11-ს - ეს დამოკიდებულია იმაზე, დატოვებენ თუ არა გუნდს ედენ აზარი და მარკო ასენსიო.