ოფიციალურად: ფიფამ მსოფლიო ჩემპიონატის ახალი, 48-გუნდიანი ფორმატი დაამტკიცა

ფიფას საბჭომ დაადასტურა, რომ 2026 წლიდან მსოფლიო ჩემპიონატი ახალი ფორმატით ჩაეშვება.

კერძოდ, მომდევნო მუნდიალზე არა ტრადიციულად 32, არამედ 48 გუნდს ვიხილავთ.

თავდაპირველად იგეგმებოდა, რომ ტურნირის 48 მონაწილეს 16 3-გუნდიან ჯგუფზე გადაანაწილებდნენ, თუმცა საბოლოოდ, ორგანიზაციამ ამაზე უარი თქვა და ტრადიციულ 4-გუნდიან ჯგუფებს ვიხილავთ, ჯამში 12-ს.

1/16-ფინალში კი ჯგუფის ორი საუკეთესო გუნდი და 8 საუკეთესო მესამეადგილოსანი გავა.

ჯამში, მსოფლიო ჩემპიონატზე 104 მატჩი ჩატარდება, ტურნირი კი 39 დღეს გაგრძელდება.

შეგახსენებთ, რომ მომდევნო მსოფლიო პირველობა აშშ, კანადასა და მექსიკაში გაიმართება.