კაპელომ კვარაცხელიას სერია A-ს სეზონის მთავარი აღმოჩენა უწოდა

ინგლისის ნაკრების ყოფილმა მთავარმა მწვრთნელმა ფაბიო კაპელომ "ნაპოლის" თავდამსხმელ ხვიჩა კვარაცხელიას შესახებ ისაუბრა.

„შეიძლება კვარაცხელიას სერია A-ში სეზონის მთავარი აღმოჩენა ვუწოდოთ? ალბათ კი. მისი უნარები გასაოცარია“, - თქვა კაპელომ.

მიმდინარე სეზონში 22 წლის კვარაცხელიამ "ნაპოლის" მაისურით 29 მატჩი ჩაატარა, 13 გოლი გაიტანა და 15 საგოლე გადაცემა გააკეთა.

"ნაპოლი" სერია A-ს დამაჯერებლად ლიდერობს და მეორე ადგილზე მყოფ "ინტერს" 18 ქულით უსწრებს.