არსენალი ბარსელონას მცველს აკვირდება

ლონდონის "არსენალი" მომავალ ზაფხულს კატალონიურ ცენტრალურ მცველ ერიკ გარსიას აკვირდება, რომელიც მანამდე მანჩესტერ "სიტიში" თამაშობდა.

Mundo Deportivo-ს ცნობით, "არსენალი" ნამდვილად განიხილავს გარსიას შეძენას. თავად ერიკი "მეთოფეების" მთავარ მწვრთნელს მიკელ არტეტას იმ დროიდან იცნობს, როდესაც ესპანელი მანჩესტერ "სიტიში" ხოსეპ გვარდიოლას ასისტენტად მუშაობდა.

გარსია უკმაყოფილოა ამ სეზონში სათამაშო დროით. მანამდე გავრცელდა ინფორმაცია, რომ ერიკი მზად იქნებოდა "ბარსელონადან" ზაფხულში წასასვლელად.