ავტორიზაცია
2 ფრანგი ტალანტი - ხვიჩა კვარაცხელიას კონკურენტები პსჟ-ში
ბოლო პერიოდში აქტიურად ვრცელდება ცნობები, რომ ხვიჩა კვარაცხელია პარი სენ-ჟერმენში გადავა. ანტონიო კონტემაც დაადასტურა, რომ ქართველს ნაპოლიდან წასვლა სურს.
კვარაცხელიას პარიზულ კლუბში ორი კონკურენტი დახვდება - ბრედლი ბარკოლა და დეზირე დუე.
ბარკოლა 22 წლისაა. ფრანგული ფეხბურთის ერთ-ერთი ამომავალი ვარსკვლავი პარი სენ-ჟერმენმა 2023 წელს, ლიონიდან, €45 მილიონად შეიძინა. ბრედლიმ პსჟ-ში 64 მატჩი ჩაატარა, 15 გოლი გაიტანა და 11 ასისტი მიითვალა. მიმდინარე სეზონში მის ანგარიშზე 25 შეხვედრა, 10 გოლი და 2 საგოლე გადაცემაა. ბარკოლას პარიზელებთან კონტრაქტი 2028 წლის 30 ივნისამდე აკავშირებს.
რაც შეეხება დუეს - 19 წლის ფრანგისთვის ზაფხულში პარი სენ-ჟერმენი და ბაიერნი იბრძოდნენ: საბოლოოდ, დეზირემ სამშობლოში დარჩენა არჩია და 2024 წლის ზაფხულის სატრანსფერო ფანჯარაზე რენიდან პარკ დე პრენსის ბინადრებს შეუერთდა. პარიზულმა გუნდმა მის სანაცვლოდ €50 მილიონი გადაიხადა. 2024/25 წლების სეზონში დუეს აქტივში 21 მატჩი, 2 გოლი და 4 ასისტია. მას პარი სენ-ჟერმენთან ხელშეკრულება 2029 წლის 30 ივნისამდე აქვს გაფორმებული.
