2 მეკარე ისტორიაში, რომელმაც პენალტი მესისაც და რონალდუსაც აუღო

თარიღი: 03 Jul 2024, 16:34

SPORTbible-ის ინფორმაციით, ისტორიაში მხოლოდ ორი მეკარე არსებობს, რომელსაც პენალტი ლიონელ მესისთვისაც და კრიშტიანუ რონალდუსთვისაც აუღია.

პორტუგალია-სლოვენიის მატჩში, დამატებით ტაიმებში იან ობლაკმა რონალდუს მიერ შესრულებული თერთმეტმეტრიანი მოიგერია. აღსანიშნავია, რომ 2015 წელს, კოპა დელ რეის მეოთხედფინალში სლოვენიელმა გოლკიპერმა პენალტი ლეო მესისგანაც არ გაუშვა.

მეორე კიპერი, რომელსაც ეს გაუკეთებია, დიეგო ალვესია. ბრაზილიელმა რონალდუს პენალტი ლა ლიგაში თავისთვის სადებიუტო სეზონში აუღო, შემდეგ კი 2015 და 2017 წლებშიც. კრიშტიანუს მიერ კარიერის განმავლობაში გაფუჭებული თერთმეტმეტრიანების 10% სწორედ ალვესმა მოიგერია.