სალაჰის რეკორდი გამეორებულია - აბსოლუტურ მიღწევამდე ჰოლანდს ორი გოლი აკლია

ერლინგ ჰოლანდს ინგლისის ჩემპიონატის აბსოლუტური რეკორდის გამეორებამდე ორი გოლი აშორებს.

„მან სიტის“ ფორვარდმა „ლესტერთან“ შეხვედრაში დუბლი (3:1) გაიფორმა.

ამ ორი გოლით ჰოლანდს ინგლისის პრემიერ ლიგაში 32 გატანილი გოლი დაუგროვდა და მან მოჰამედ სალაჰის რეკორდი გაიმეორა, რომელიც ეგვიპტელმა 2017/18-სეზონში დაამყარა. 38-მატჩიან ჩემპიონატში ამაზე მეტი გოლი ინგლისში არავის არასდროს არ გაუტანია.

თუმცა, აბსოლუტური რეკორდის გამეორებისთვის ჰოლანდს კიდევ ორი გოლი აქვს გასატანი. 1993/94-ში ენდი კოულმა და 1994/95-ში ალან შირერმა 34 გოლის გატანა მოახერხეს, თუმცა მაშინ ჩემპიონატი 42-მატჩიანი იყო.