პსჟ-ს ფრანგი თავდამსხმელის შეძენა სურს

საფრანგეთის ნაკრებისა და ფრანკფურტის "აინტრახტის" თავდამსხმელს, რანდალ კოლო-მუანს კარიერის ლიგა 1-ში გაგრძელება შეუძლია.

RMC Sport-ის ინფორმაციით, 24 წლის შემსრულებლის ტრანსფერით "პსჟ" არის დაინტერესებული.

პარიზელების მეტოქეები ფეხბურთელისთვის ბრძოლაში მიუნხენის "ბაიერნი" და მანჩესტერ "იუნაიტედი" არიან.

თავის მხრივ, "აინტრახტი" მზადაა წამყვან ფეხბურთელი 60 მილიონ ევროდ დათმოს. მხარეებს შორის მოქმედი შრომითი ხელშეკრულების ვადა 2027 წლის ზაფხულამდეა ძალაში.

ბუნდესლიგის მიმდინარე სეზონში კოლო-მუანიმ 28 მატჩი ჩაატარა, 13 გოლი გაიტანა და 10 საგოლე გადაცემა გააკეთა.