ატლეტიკოს პრეზიდენტი: "ლა ლიგაში მესის და რონალდუს დაბრუნება დიდებული იქნებოდა"

„ატლეტიკო მადრიდის“ პრეზიდენტი, ენრიკე სერესო, ლა ლიგაში ლეო მესის და კრიშტიანუ რონალდუს დაბრუნებას მიესალმება.

ამ ეტაპზე „ბარსაში“ დაბრუნებასთან ლეო მესი ძალიან ახლოსაა, რადგან სეზონის ბოლოს „პსჟ-სთან“ კონტრაქტი ეწურება და „ბლაუგრანა“ მის ტრანსფერზე მუშაობს. კრიშტიანუ კი საუდის არაბეთში თამაშობს.

„ვფიქრობ, მესის და კრიშტიანუ რონალდუს ლა ლიგაში დაბრუნება დიდებული იქნებოდა.

ორივე ჯერ კიდევ თამაშობს, ასე რომ სასიამოვნო იქნებოდა, ორივე რომ დაბრუნებულიყო.“, - აღნიშნა სერესომ.