ბარსელონამ ლა ლიგაში საკუთარი რეკორდი გააუმჯობესა და აბსოლუტურს მიუახლოვდა

„ბარსელონამ" ლა ლიგაში ჩატარებული მშრალი მატჩების რაოდენობით საკუთარი რეკორდი გააუმჯობესა.

დღევანდელ მატჩში ხავის გუნდმა „ოსასუნას" 1:0 მოუგო და მორიგი უგოლო შეხვედრა გაიფორმა.

ეს ლა ლიგის მიმდინარე სეზონში „ბლაუგრანას" 25-ე მშრალი მატჩი იყო და კლუბმა საკუთარი რეკორდი გააუმჯობესა - აქამდე, მათი საუკეთესო შედეგი 24 გოლგაუშვებელი შეხვედრა იყო 1986/87-სეზონში.

ლა ლიგის აბსოლუტური რეკორდი კი 26 მატჩს შეადგენს და ის ლა-კორუნიას „დეპორტივოს" ეკუთვნის, რომელმაც მისი დამყარება 1993/94-წლებში მოახერხა.