ავტორიზაცია
2008-2015 — საუკეთესო წლები ბარსელონას ისტორიაში
"ბარსელონა" თავისი ფილოსოფიით საფეხბურთო სამყაროს დაფასებასა და დიდ გამოხმაურებას იწვევს. დომინაციის პერიოდში "ბარსამ" თავის მონაგარს ჩემპიონთა ლიგის 3 თასი შემატა.
2008/09 წლების სეზონიდან მოყოლებული, პეპ გვარდიოლას ხელმძღვანელობით "ბარსელონამ" საგრძნობლად მოუმატა. მისი შეგირდები იოჰან კრუიფის სტილში თამაშობდნენ. პეპი აკადემიის დიდი მოყვარული იყო და კლუბის აღზრდილებს განსაკუთრებულ ყურადღებას აქცევდა - მან პირველ გუნდში არაერთი ახალგაზრდა დააწინაურა, რამაც "ბლაუგრანა" კიდევ უფრო დიდი გახადა.
უდიდესი საერთაშორისო აღიარება "ბარსელონამ" 2010 წელს მოიპოვა, როცა „ოქროს ბურთის“ მოგების ნომინანტთა სამეულში სამივე 'ბარსელონელი" იყო: ჩავი, ინიესტა და მესი - სამივე "ლა მასიის" აღზრდილი - რეზიდენციის, სადაც ყველა ასაკის ფეხბურთელი ირიცხება.
ეს გუნდი იყო კულმინაცია, რაზეც "ბარსელონა" დგას, და არაერთი ტიტული დაისაკუთრა, მათ შორის, 2 ჩემპიონთა ლიგა და 3 ლა ლიგა, ასევე მსოფლიოს საკლუბო ჩემპიონატი, რომელიც, საბოლოოდ, კლუბმა პირველად 2009 წელს მოიგო. ამ საოცარ წლებში "ბარსამ" ერთ წელიწადში 6 თასი მოიპოვა, რაც ევროპულ ფეხბურთში უპრეცედენტო შემთხვევა იყო. კატალონიურმა გრანდმა ნებისმიერი სახის რეკორდი დაამხო, დასამახსოვრებელი მატჩები ჩაატარა და ყველა შესაძლო ტურნირი მოიგო. თუმცა, გვარდიოლას გუნდისთვის საუკეთესო მომენტი 2011 წლის 28 მაისს, "უემბლიზე" ვიხილეთ - "ბარსამ" ისეთი ფეხბურთი ითამაშა, როგორითაც ოცნებები იქმნება. მთელი სამყარო ამ გუნდით აღფრთოვანებული იყო და მსოფლიო პრესა აქებდა ლეგენდარულ კოლექტივს, რომელმაც საფეხბურთო ისტორიაში ახალი გვერდი გადაშალა.
გვარდიოლას ეპოქა 2012 წელს დასრულდა, მაგრამ "ბარსელონამ" წარმატებები განაგრძო, ამჯერად - ტიტო ვილანოვასა (ლა ლიგა 2012/13 წლების სეზონში) და ლუის ენრიკეს (ტრებლი) თაოსნობით. ლუჩომ გუნდს 2015 წელს ჩემპიონთა ლიგა, ლა ლიგა და კოპა დელ რეი მოაგებინა, რითაც "ბარსა" კიდევ ერთი ისტორიული ტრიპლეტის ავტორი გახდა და პირველი კლუბი იყო, რომელმაც მისი შესრულება ორჯერ მოახერხა.
მაგრამ, "ბარსელონა" ტიტულებს მხოლოდ ფეხბურთში არ იგებდა - წარმატებებს კალათბურთის, ხელბურთის, ფუტსალისა და გორგოლაჭებიანი ჰოკეის გუნდებიც აღწევდნენ და არაერთი ევროპული თასი მოიპოვეს. ამასთან, 2011/12 და 2014/15 წლებში "ბარსელონამ" ახალი რეკორდი დაამყარა და საერთო ჯამში 17 ტიტული შეაგროვა - 118-წლიან ისტორიაში, მანამდე არც ერთ სხვა სეზონში "ბლაუგრანას" ამდენი მედალი არ მოუგია.
დავუბრუნდეთ პეპს... 2008 წელს გვარდიოლამ რთული მისია იკისრა და, ორი უტიტულო სეზონის შემდეგ, მთავარი მწვრთნელის პოსტზე ფრანკ რაიკაარდი შეცვალა. მან კლუბში ის ფილოსოფია დანერგა, როგორითაც ფეხბურთელობისას თამაშობდა - პასებზე აწყობილი, შემტევი ფეხბურთი, რამაც "ბარსა" მწვერვალზე აიყვანა.
სადებიუტო სეზონში გვარდიოლამ სამივე ტიტული მოიგო. 2009/10 წლების სეზონში ტრებლი მოპოვების შემდეგ, "ბარსელონა" პირველი კლუბი გახდა, რომელმაც ერთ კალენდარულ წელში გამარჯვება 6 ტურნირზე იზეიმა. საერთო ჯამში, ეს წარმატებები გაგრძელდა და "ლურჯ-ბროწეულისფერებმა" 4 წელიწადში, პეპის ხელმძღვანელობით, 19 შესაძლო ტიტულიდან 14 მოიგეს. გვარდიოლა ფეხბურთის ლეგენდა და მისაბაძი პიროვნება გახდა, მისი "ბარსელონა" კი საფეხბურთო მოედნის საზღვრებს გასცდა.
მესამე ჩემპიონთა ლიგის მოგება
კოპა დელ რეისა და პრიმერა დივიზიონის მოგების შემდეგ, "ბარსელონა" ჩემპიონთა ლიგის მოსაგებად "სტადიო ოლიმპიკოზე" გაემართა. გვარდიოლას გუნდი ფინალში "მანჩესტერ იუნაიტედს" უპირისპირდებოდა და ამ მატჩს დაცვაში დიდი დანაკლისით ხვდებოდა. ინგლისელებმა თამაში აქტიურად დაიწყეს, მაგრამ სამუელ ეტო’ოს გოლმა სცენარი შეცვალა და "ბარსას" დომინაციას სერ ალექს ფერგიუსონის შეგირდებმა ვერაფერი მოუხერხეს. ლეო მესიმ ანგარიში ორამდე გაზარდა და საბოლოო შედეგი დააფიქსირა - 2009 წლის 27 მაისს "ბარსელონამ" ჩემპიონთა ლიგა მესამედ მოიგო. ფინალში მოქმედი გამარჯვებულის დამარცხებით "ბლაუგრანა" გახდა პირველი ესპანური კლუბი, რომელმაც ტრებლი (კოპა დელ რეი, ლა ლიგა, ჩემპიონთა ლიგა) იზეიმა.
12 თვეში გვარდიოლას გუნდმა ყველა ტიტული მოიგო. "ბარსა" მოედანზე შეუჩერებელი იყო. სეზონის ბოლოს დიდი ზეიმი გაიმართა, შემდეგ წლებში კი წარმატებები გაგრძელდა.
13 მაისი - კოპა დელ რეი
16 მაისი - ლა ლიგა
27 მაისი - ჩემპიონთა ლიგა
23 აგვისტო - ესპანეთის სუპერ თასი
28 აგვისტო - UEFA-ს სუპერ თასი
19 დეკემბერი - FIFA-ს მსოფლიო საკლუბო ჩემპიონატი
სანდრო როსელი - ახალი პრეზიდენტი
სანდრო როსელის პრეზიდენტობის დროს "ბარსელონამ" თავისი სიტყვა ბიზნესშიც თქვა. კლუბში როსელი პირველად 2003 წელს გამოჩნდა, როცა იგი ჟოან ლაპორტას სახელმძღვანელო შტაბის წევრი იყო. სანდრომ რონალდინიოს ტრანსფერში დიდი როლი ითამაშა.
საარჩევნო კამპანიის დროს როსელი იყენებდა სლოგანს - "ჩვენ ყველანი "ბარსა" ვართ". 2010 წელს მან არჩევნებზე 35 021 ხმა (უპრეცედენტო ფაქტი) მიიღო და პრეზიდენტი დიდი უპირატესობით გახდა. შედეგად, როსელს "ბარსას" საპრეზიდენტო არჩევნების ისტორიაში ყველაზე მეტი ხმა ერგო.
2010 წელს "ბარსელონასთვის" ისტორიული შემთხვევა დაფიქსირდა - "ოქროს ბურთის" მოგების სამი ნომინანტიდან სამივე "ბარსას" წარმოადგენდა, სამივე "ლა მასიელი". ჟურნალისტები, მწვრთნელები, კაპიტნები მთელი მსოფლიოს მასშტაბით კატალონიელებს ადიდებდნენ. ეს პირველი შემთხვევა იყო, როცა აღნიშნული ინდივიდუალური ჯილდოს 3 ნომინანტიდან სამივე ერთ კლუბს და თანაც, ერთ აკადემიას წარმოადგენდა. ამან "ლა მასიას" დიდებულებაზე კიდევ ერთხელ მიუთითა - აკადემიამ 3 სუპერვარსკვლავი აღზარდა: ძალისხმევის, თავმდაბლობის, სპორტსმენობისა და ენთუზიაზმის წყალობით. 2010 წელს მსოფლიოს 3 საუკეთესო ფეხბურთელი "ბარსელონელი" იყო!
კვლავ უემბლი
2011 წლის 28 მაისს "ბარსელონამ" ჩემპიონთა ლიგა მეოთხედ მოიგო. გუნდმა გამარჯვება ახალ "უემბლიზე" მოიპოვა - იმავე სტადიონზე, სადაც 1992 წელს იოჰან კრუიფის "ბარსა" უპრესტიჟულესი საკლუბო ტურნირის გამარჯვებული პირველად გახდა - ეს სრული სიმბოლიზმი იყო. მადრიდის "რეალის" წინააღმდეგ მოგებული ძალიან რთული ნახევარფინალის შემდეგ, "ბლაუგრანა" ისევ "მანჩესტერ იუნაიტედს" (რომელიც 2 წლით ადრე რომში ჩატარებულ ფინალში დაამარცხა) დაუპირისპირდა. "ბარსელონა" დომინირებდა და 3-1 იმარჯვა - გოლები პედრო როდრიგესმა, ლიონელ მესიმ და დავიდ ვილია გაიტანეს.
კატალონიელებმა საოცრად ითამაშეს - ეს მატჩი ჩემპიონთა ლიგის ფინალების ისტორიაში ერთ-ერთი საუკეთესო იყო. ევროპა "ბარსას" ადიდებდა, რასაც მსოფლიო პრესაც მიჰყვა. ზაფხულის მიწურულს გუნდმა თავისი დიდებულება ესპანეთის სუპერ თასის ფინალში - "რეალის", UEFA-ს სუპერ თასის გადამწყვეტ შეხვედრაში კი "პორტუს" დამარცხებით განიმტკიცა.
"ბარსელონას" ისტორიაში ერთ-ერთი ყველაზე სამწუხარო ამბავმა 2014 წლის 25 აპრილს გაიჟღერა - ფრანსესკ "ტიტო" ვილანოვა ი ბაიო გარდაიცვალა. ადამიანი, რომელიც ყველას უყვარდა, 45 წლის ასაკში კიბოსთან ბრძოლაში დამარცხდა და დაგვტოვა. დაავადებამ ტიტო აიძულა, "ბარსას" მთავარი მწვრთნელის პოსტიდან გადამდგარიყო - მხოლოდ და მხოლოდ რამდენიმე თვის შემდეგ, რაც მისი გუნდი ესპანეთის ჩემპიონი 100 ქულით გახდა. 2008/2012 წლებში ვილანოვა პეპ გვარდიოლას ასისტენტი იყო. მისი გარდაცვალების დღეებში "კამპ ნოუზე" 53 000 ადამიანი მივიდა, რათა ტიტოსთვის პატივი მიეგო.
2 ლეგენდის - კარლეს პუიოლისა და ვიქტორ ბალდესის გაცილება
2014 წლის ზაფხულში "ბარსელონამ" 2 ლეგენდა გააცილა. მარადიულმა კაპიტანმა, კარლეს პუიოლმა, ლურჯ-ბროწეულისფერი მაისურით 593 ოფიციალური მატჩის ჩატარების შემდეგ, კარიერის დასრულებაზე განცხადება გააკეთა. მის კარიერაში ერთ-ერთი გამორჩეული მომენტები ჩემპიონთა ლიგაზე ცარიელი კარისკენ მიმავალი ბურთის მკერდით შეჩერება, "რეალთან" 6-2 მოგებულ "კლასიკოში" კაპიტნის სამკლავურისთვის კოცნა და ერიკ აბიდალისთვის 2011 წლის ჩემპიონთა ლიგის თასის აღმართვის უფლების დათმობაა. პუიოლის კარიერის დასრულება ვიქტორ ვალდესის წასვლას დაემთხვა - ვიქტორმა, რომელიც მრავალი წლის განმავლობაში "ბარსას" პირველი მეკარე იყო, 2013/14 წლების სეზონის ბოლოს გუნდის დატოვების სურვილი გამოთქვა. ვალდესმა "ბარსელონას" კარი 535 მატჩში დაიცვა და მხოლოდ 411 გოლი გაუშვა. მისი ყველაზე გამორჩეული პერფორმანსები 2006 წლის ჩემპიონთა ლიგის ფინალსა და 2009 წელს "ჩელსის" წინააღმდეგ გამართულ ნახევარფინალში შედგა.
ტიტო ვილანოვას წასვლის შემდეგ, "ბლაუგრანას" თავკაცი ხერარდო "ტატა" მარტინო გახდა, მაგრამ, კარგი სტარტის მიუხედავად, 2013-14 წლების სეზონში მის მიერ გაწვრთნილმა გუნდმა მხოლოდ ესპანეთის სუპერ თასი მოიგო. კლუბის ყოფილი მოთამაშე, ლუის ენრიკე "ბარსას" სათავეში 2014 წლის ზაფხულში ჩაუდგა და მაშინვე დიდ წარმატებებს მიაღწია. სადებიუტო სეზონში ლუჩომ კატალონიურ გრანდს ტრებლი მეორედ მოაგებინა - მხოლოდ 6 წლის შემდეგ, რაც ეს "ბარსელონამ" პირველად გააკეთა. კატალონიელებმა მაგიურ სეზონში ლა ლიგა, ჩემპიონთა ლიგა და კოპა დელ რეი მოიგეს. ამავე გუნდმა, რომელშიც მესი, ინიესტა, ნეიმარი და სუარესი ბრწყინავდნენ, თავის მონაგარს UEFA-ს სუპერ თასი და მსოფლიო საკლუბო ჩემპიონატიც დაამატა. მომდევნო სეზონში კი "ბარსამ" ამ ტიტულებს კიდევ 4 თასი (ევროპის სუპერ თასი, მსოფლიო საკლუბო ჩემპიონატი, ლა ლიგა, კოპა დელ დეი) შემატა. ამასთან, 2016/17 წლების სეზონში გუნდმა ესპანეთის სუპერ თასი ზედიზედ მესამედ მოიგო.
ჩავის წასვლა
2015 წლის ზაფხულში, ტრებლის მოგების შემდეგ, "ბარსელონადან" ლეგენდარული ჩავი ერნანდესი წავიდა. ის ლურჯ-ბროწეულისფერ მაისურს 17 წელი ატარებდა და კლუბთან ერთად 25 ტიტული მოიგო: 9 ლა ლიგა, 4 ჩემპიონთა ლიგა, 3 ესპანეთის თასი, 6 ესპანეთის სუპერ თასი, 2 ევროპის სუპერ თასი და 2 მსოფლიო საკლუბო ჩემპიონატი. ჩავიმ "ბარსაში" ჩატარებულ 767 ოფიციალურ მატჩში 85 გოლი გაიტანა. მან ფეხბურთს მემკვიდრეობით თავისი უნიკალური სათამაშო სტილი დაუტოვა.
2008/09 წლების სეზონიდან მოყოლებული, პეპ გვარდიოლას ხელმძღვანელობით "ბარსელონამ" საგრძნობლად მოუმატა. მისი შეგირდები იოჰან კრუიფის სტილში თამაშობდნენ. პეპი აკადემიის დიდი მოყვარული იყო და კლუბის აღზრდილებს განსაკუთრებულ ყურადღებას აქცევდა - მან პირველ გუნდში არაერთი ახალგაზრდა დააწინაურა, რამაც "ბლაუგრანა" კიდევ უფრო დიდი გახადა.
უდიდესი საერთაშორისო აღიარება "ბარსელონამ" 2010 წელს მოიპოვა, როცა „ოქროს ბურთის“ მოგების ნომინანტთა სამეულში სამივე 'ბარსელონელი" იყო: ჩავი, ინიესტა და მესი - სამივე "ლა მასიის" აღზრდილი - რეზიდენციის, სადაც ყველა ასაკის ფეხბურთელი ირიცხება.
ეს გუნდი იყო კულმინაცია, რაზეც "ბარსელონა" დგას, და არაერთი ტიტული დაისაკუთრა, მათ შორის, 2 ჩემპიონთა ლიგა და 3 ლა ლიგა, ასევე მსოფლიოს საკლუბო ჩემპიონატი, რომელიც, საბოლოოდ, კლუბმა პირველად 2009 წელს მოიგო. ამ საოცარ წლებში "ბარსამ" ერთ წელიწადში 6 თასი მოიპოვა, რაც ევროპულ ფეხბურთში უპრეცედენტო შემთხვევა იყო. კატალონიურმა გრანდმა ნებისმიერი სახის რეკორდი დაამხო, დასამახსოვრებელი მატჩები ჩაატარა და ყველა შესაძლო ტურნირი მოიგო. თუმცა, გვარდიოლას გუნდისთვის საუკეთესო მომენტი 2011 წლის 28 მაისს, "უემბლიზე" ვიხილეთ - "ბარსამ" ისეთი ფეხბურთი ითამაშა, როგორითაც ოცნებები იქმნება. მთელი სამყარო ამ გუნდით აღფრთოვანებული იყო და მსოფლიო პრესა აქებდა ლეგენდარულ კოლექტივს, რომელმაც საფეხბურთო ისტორიაში ახალი გვერდი გადაშალა.
გვარდიოლას ეპოქა 2012 წელს დასრულდა, მაგრამ "ბარსელონამ" წარმატებები განაგრძო, ამჯერად - ტიტო ვილანოვასა (ლა ლიგა 2012/13 წლების სეზონში) და ლუის ენრიკეს (ტრებლი) თაოსნობით. ლუჩომ გუნდს 2015 წელს ჩემპიონთა ლიგა, ლა ლიგა და კოპა დელ რეი მოაგებინა, რითაც "ბარსა" კიდევ ერთი ისტორიული ტრიპლეტის ავტორი გახდა და პირველი კლუბი იყო, რომელმაც მისი შესრულება ორჯერ მოახერხა.
მაგრამ, "ბარსელონა" ტიტულებს მხოლოდ ფეხბურთში არ იგებდა - წარმატებებს კალათბურთის, ხელბურთის, ფუტსალისა და გორგოლაჭებიანი ჰოკეის გუნდებიც აღწევდნენ და არაერთი ევროპული თასი მოიპოვეს. ამასთან, 2011/12 და 2014/15 წლებში "ბარსელონამ" ახალი რეკორდი დაამყარა და საერთო ჯამში 17 ტიტული შეაგროვა - 118-წლიან ისტორიაში, მანამდე არც ერთ სხვა სეზონში "ბლაუგრანას" ამდენი მედალი არ მოუგია.
გვარდიოლას დაბრუნება
დავუბრუნდეთ პეპს... 2008 წელს გვარდიოლამ რთული მისია იკისრა და, ორი უტიტულო სეზონის შემდეგ, მთავარი მწვრთნელის პოსტზე ფრანკ რაიკაარდი შეცვალა. მან კლუბში ის ფილოსოფია დანერგა, როგორითაც ფეხბურთელობისას თამაშობდა - პასებზე აწყობილი, შემტევი ფეხბურთი, რამაც "ბარსა" მწვერვალზე აიყვანა.
სადებიუტო სეზონში გვარდიოლამ სამივე ტიტული მოიგო. 2009/10 წლების სეზონში ტრებლი მოპოვების შემდეგ, "ბარსელონა" პირველი კლუბი გახდა, რომელმაც ერთ კალენდარულ წელში გამარჯვება 6 ტურნირზე იზეიმა. საერთო ჯამში, ეს წარმატებები გაგრძელდა და "ლურჯ-ბროწეულისფერებმა" 4 წელიწადში, პეპის ხელმძღვანელობით, 19 შესაძლო ტიტულიდან 14 მოიგეს. გვარდიოლა ფეხბურთის ლეგენდა და მისაბაძი პიროვნება გახდა, მისი "ბარსელონა" კი საფეხბურთო მოედნის საზღვრებს გასცდა.
მესამე ჩემპიონთა ლიგის მოგება
კოპა დელ რეისა და პრიმერა დივიზიონის მოგების შემდეგ, "ბარსელონა" ჩემპიონთა ლიგის მოსაგებად "სტადიო ოლიმპიკოზე" გაემართა. გვარდიოლას გუნდი ფინალში "მანჩესტერ იუნაიტედს" უპირისპირდებოდა და ამ მატჩს დაცვაში დიდი დანაკლისით ხვდებოდა. ინგლისელებმა თამაში აქტიურად დაიწყეს, მაგრამ სამუელ ეტო’ოს გოლმა სცენარი შეცვალა და "ბარსას" დომინაციას სერ ალექს ფერგიუსონის შეგირდებმა ვერაფერი მოუხერხეს. ლეო მესიმ ანგარიში ორამდე გაზარდა და საბოლოო შედეგი დააფიქსირა - 2009 წლის 27 მაისს "ბარსელონამ" ჩემპიონთა ლიგა მესამედ მოიგო. ფინალში მოქმედი გამარჯვებულის დამარცხებით "ბლაუგრანა" გახდა პირველი ესპანური კლუბი, რომელმაც ტრებლი (კოპა დელ რეი, ლა ლიგა, ჩემპიონთა ლიგა) იზეიმა.
2009 - მაგიური წელი
12 თვეში გვარდიოლას გუნდმა ყველა ტიტული მოიგო. "ბარსა" მოედანზე შეუჩერებელი იყო. სეზონის ბოლოს დიდი ზეიმი გაიმართა, შემდეგ წლებში კი წარმატებები გაგრძელდა.
13 მაისი - კოპა დელ რეი
16 მაისი - ლა ლიგა
27 მაისი - ჩემპიონთა ლიგა
23 აგვისტო - ესპანეთის სუპერ თასი
28 აგვისტო - UEFA-ს სუპერ თასი
19 დეკემბერი - FIFA-ს მსოფლიო საკლუბო ჩემპიონატი
სანდრო როსელი - ახალი პრეზიდენტი
სანდრო როსელის პრეზიდენტობის დროს "ბარსელონამ" თავისი სიტყვა ბიზნესშიც თქვა. კლუბში როსელი პირველად 2003 წელს გამოჩნდა, როცა იგი ჟოან ლაპორტას სახელმძღვანელო შტაბის წევრი იყო. სანდრომ რონალდინიოს ტრანსფერში დიდი როლი ითამაშა.
საარჩევნო კამპანიის დროს როსელი იყენებდა სლოგანს - "ჩვენ ყველანი "ბარსა" ვართ". 2010 წელს მან არჩევნებზე 35 021 ხმა (უპრეცედენტო ფაქტი) მიიღო და პრეზიდენტი დიდი უპირატესობით გახდა. შედეგად, როსელს "ბარსას" საპრეზიდენტო არჩევნების ისტორიაში ყველაზე მეტი ხმა ერგო.
3 ბარსელონელი ოქროს ბურთის პოდიუმზე
2010 წელს "ბარსელონასთვის" ისტორიული შემთხვევა დაფიქსირდა - "ოქროს ბურთის" მოგების სამი ნომინანტიდან სამივე "ბარსას" წარმოადგენდა, სამივე "ლა მასიელი". ჟურნალისტები, მწვრთნელები, კაპიტნები მთელი მსოფლიოს მასშტაბით კატალონიელებს ადიდებდნენ. ეს პირველი შემთხვევა იყო, როცა აღნიშნული ინდივიდუალური ჯილდოს 3 ნომინანტიდან სამივე ერთ კლუბს და თანაც, ერთ აკადემიას წარმოადგენდა. ამან "ლა მასიას" დიდებულებაზე კიდევ ერთხელ მიუთითა - აკადემიამ 3 სუპერვარსკვლავი აღზარდა: ძალისხმევის, თავმდაბლობის, სპორტსმენობისა და ენთუზიაზმის წყალობით. 2010 წელს მსოფლიოს 3 საუკეთესო ფეხბურთელი "ბარსელონელი" იყო!
კვლავ უემბლი
2011 წლის 28 მაისს "ბარსელონამ" ჩემპიონთა ლიგა მეოთხედ მოიგო. გუნდმა გამარჯვება ახალ "უემბლიზე" მოიპოვა - იმავე სტადიონზე, სადაც 1992 წელს იოჰან კრუიფის "ბარსა" უპრესტიჟულესი საკლუბო ტურნირის გამარჯვებული პირველად გახდა - ეს სრული სიმბოლიზმი იყო. მადრიდის "რეალის" წინააღმდეგ მოგებული ძალიან რთული ნახევარფინალის შემდეგ, "ბლაუგრანა" ისევ "მანჩესტერ იუნაიტედს" (რომელიც 2 წლით ადრე რომში ჩატარებულ ფინალში დაამარცხა) დაუპირისპირდა. "ბარსელონა" დომინირებდა და 3-1 იმარჯვა - გოლები პედრო როდრიგესმა, ლიონელ მესიმ და დავიდ ვილია გაიტანეს.
კატალონიელებმა საოცრად ითამაშეს - ეს მატჩი ჩემპიონთა ლიგის ფინალების ისტორიაში ერთ-ერთი საუკეთესო იყო. ევროპა "ბარსას" ადიდებდა, რასაც მსოფლიო პრესაც მიჰყვა. ზაფხულის მიწურულს გუნდმა თავისი დიდებულება ესპანეთის სუპერ თასის ფინალში - "რეალის", UEFA-ს სუპერ თასის გადამწყვეტ შეხვედრაში კი "პორტუს" დამარცხებით განიმტკიცა.
ტიტო ვილანოვას გარდაცვალება
"ბარსელონას" ისტორიაში ერთ-ერთი ყველაზე სამწუხარო ამბავმა 2014 წლის 25 აპრილს გაიჟღერა - ფრანსესკ "ტიტო" ვილანოვა ი ბაიო გარდაიცვალა. ადამიანი, რომელიც ყველას უყვარდა, 45 წლის ასაკში კიბოსთან ბრძოლაში დამარცხდა და დაგვტოვა. დაავადებამ ტიტო აიძულა, "ბარსას" მთავარი მწვრთნელის პოსტიდან გადამდგარიყო - მხოლოდ და მხოლოდ რამდენიმე თვის შემდეგ, რაც მისი გუნდი ესპანეთის ჩემპიონი 100 ქულით გახდა. 2008/2012 წლებში ვილანოვა პეპ გვარდიოლას ასისტენტი იყო. მისი გარდაცვალების დღეებში "კამპ ნოუზე" 53 000 ადამიანი მივიდა, რათა ტიტოსთვის პატივი მიეგო.
2 ლეგენდის - კარლეს პუიოლისა და ვიქტორ ბალდესის გაცილება
2014 წლის ზაფხულში "ბარსელონამ" 2 ლეგენდა გააცილა. მარადიულმა კაპიტანმა, კარლეს პუიოლმა, ლურჯ-ბროწეულისფერი მაისურით 593 ოფიციალური მატჩის ჩატარების შემდეგ, კარიერის დასრულებაზე განცხადება გააკეთა. მის კარიერაში ერთ-ერთი გამორჩეული მომენტები ჩემპიონთა ლიგაზე ცარიელი კარისკენ მიმავალი ბურთის მკერდით შეჩერება, "რეალთან" 6-2 მოგებულ "კლასიკოში" კაპიტნის სამკლავურისთვის კოცნა და ერიკ აბიდალისთვის 2011 წლის ჩემპიონთა ლიგის თასის აღმართვის უფლების დათმობაა. პუიოლის კარიერის დასრულება ვიქტორ ვალდესის წასვლას დაემთხვა - ვიქტორმა, რომელიც მრავალი წლის განმავლობაში "ბარსას" პირველი მეკარე იყო, 2013/14 წლების სეზონის ბოლოს გუნდის დატოვების სურვილი გამოთქვა. ვალდესმა "ბარსელონას" კარი 535 მატჩში დაიცვა და მხოლოდ 411 გოლი გაუშვა. მისი ყველაზე გამორჩეული პერფორმანსები 2006 წლის ჩემპიონთა ლიგის ფინალსა და 2009 წელს "ჩელსის" წინააღმდეგ გამართულ ნახევარფინალში შედგა.
ლუის ენრიკეს მოსვლა და ტრებლი
ტიტო ვილანოვას წასვლის შემდეგ, "ბლაუგრანას" თავკაცი ხერარდო "ტატა" მარტინო გახდა, მაგრამ, კარგი სტარტის მიუხედავად, 2013-14 წლების სეზონში მის მიერ გაწვრთნილმა გუნდმა მხოლოდ ესპანეთის სუპერ თასი მოიგო. კლუბის ყოფილი მოთამაშე, ლუის ენრიკე "ბარსას" სათავეში 2014 წლის ზაფხულში ჩაუდგა და მაშინვე დიდ წარმატებებს მიაღწია. სადებიუტო სეზონში ლუჩომ კატალონიურ გრანდს ტრებლი მეორედ მოაგებინა - მხოლოდ 6 წლის შემდეგ, რაც ეს "ბარსელონამ" პირველად გააკეთა. კატალონიელებმა მაგიურ სეზონში ლა ლიგა, ჩემპიონთა ლიგა და კოპა დელ რეი მოიგეს. ამავე გუნდმა, რომელშიც მესი, ინიესტა, ნეიმარი და სუარესი ბრწყინავდნენ, თავის მონაგარს UEFA-ს სუპერ თასი და მსოფლიო საკლუბო ჩემპიონატიც დაამატა. მომდევნო სეზონში კი "ბარსამ" ამ ტიტულებს კიდევ 4 თასი (ევროპის სუპერ თასი, მსოფლიო საკლუბო ჩემპიონატი, ლა ლიგა, კოპა დელ დეი) შემატა. ამასთან, 2016/17 წლების სეზონში გუნდმა ესპანეთის სუპერ თასი ზედიზედ მესამედ მოიგო.
ჩავის წასვლა
2015 წლის ზაფხულში, ტრებლის მოგების შემდეგ, "ბარსელონადან" ლეგენდარული ჩავი ერნანდესი წავიდა. ის ლურჯ-ბროწეულისფერ მაისურს 17 წელი ატარებდა და კლუბთან ერთად 25 ტიტული მოიგო: 9 ლა ლიგა, 4 ჩემპიონთა ლიგა, 3 ესპანეთის თასი, 6 ესპანეთის სუპერ თასი, 2 ევროპის სუპერ თასი და 2 მსოფლიო საკლუბო ჩემპიონატი. ჩავიმ "ბარსაში" ჩატარებულ 767 ოფიციალურ მატჩში 85 გოლი გაიტანა. მან ფეხბურთს მემკვიდრეობით თავისი უნიკალური სათამაშო სტილი დაუტოვა.
