მადრიდის რეალმა ლა ლიგის კლუბში ბენზემას შემცვლელი იპოვა

Relevo-ს ინფორმაციით, "სამეფო კლუბს" "ესპანიოლიდან" ხოსელუს შეძენა სურს, რომელმაც მიმდინარე სეზონში ესპანეთის ჩემპიონატში 15 გოლი გაიტანა.

ხოსელუ მიმდინარე სეზონში ლა ლიგის მესამე ბომბარდირია რობერტ ლევანდოვსკის და კარიმ ბენზემას შემდეგ. 

"ესპანიოლის" თავდამსხმელი მანამდე მადრიდის "რეალში" 2011-2012 წლებში თამაშობდა. 33 წლის ხოსელუ ლა ლიგის ბოლო 4 სეზონში მინიმუმ 11 გოლს იტანდა.