რეალის ხელმძღვანელობა სიტისთან მარცხში ფეხბურთელებს ადანაშაულებს

მადრიდის "რეალის" ხელმძღვანელობა ჩემპიონთა ლიგის ნახევარფინალში "მანჩესტერ სიტისთან" 0-4 მარცხში პირველ რიგშო ფეხბურთელებს ადანაშაულებს.

ESPN-ის ცნობით, "სამეფო კლუბი" აღნიშნულ მარცხში კარლო ანჩელოტის დიდ დანაშაულს არ ხედავს.

წყარო ირწმუნება, რომ იტალიელი სპეციალისტის თანამდებობას ამ ეტაპზე საფრთხე არ ემუქრება. ანჩელოტი მომდევნო სეზონის ბოლომდე კლუბს უხელმძღვანელებს.

კარლოს ასევე აქვს ბრაზილიის ნაკრებში მუშაობის შესაძლებლობა, მაგრამ იტალიელი ნაკლებად სავარაუდოა, რომ მალე დათანხმდეს "პენტაკამპეონეს" შეთავაზებას.