ოფიციალურად: რუდ ვან ნისტელროიმ პსვ პირველივე სეზონში ორი ტიტულის მოგების შემდეგ დატოვა

მანჩესტერ იუნაიტედის და მადრიდის რეალის ექს-ფეხბურთელმა ეინდჰოვენური გუნდი სეზონის დასაწყისში ჩაიბარა და საკმაოდ სოლიდური სათამაშო წელიც ჩაატარა.

51 მატჩში პსვ-მ ნისტელროის ხელმძღვანელობით 51 მატჩი ჩაატარა, რომლებშიც 33 გამარჯვება მოიპოვა, 8-ჯერ დამარცხდა, 126 გოლი გაიტანა და 60 საკუთარ კარში მიიღო. თუმცა უფრო მნიშვნელოვანი ის არის, რომ ამ სეზონში პსვ-მ ორი ტიტული, ნიდერლანდების თასი და სუპერთასი მოიგო.

ჯერჯერობით, პრესაში ნისტელროის წასვლის მიზეზი არ სახელდება, თუმცა მისი წასვლა კლუბმა უკვე ოფიციალურად დაადასტურა.