გიორგი გოჩოლეიშვილის შახტარი უკრაინის ჩემპიონია!

უკრაინის პრემიერ ლიგის ბოლოსწინა ტურის მატჩში გიორგი გოჩოლეიშვილის დონეცკის "შახტარი" მიმდინარე სეზონში მთავარ კონკურენტს "დნიპრო 1"-ს დაუპირისპირდა და 3:0 დაამარცხა.

გიორგი გოჩოლეიშვილს ამ შეხვედრაში მონაწილეობა არ მიუღია.

ამ გამარჯვების შედეგად ქართველის გუნდმა ჩემპიონობა გაიფორმა.

იგორ იოვიჩევიჩის გუნდმა "დნიპრო 1"-ს 8 ქულით გაასწრო და ერთი ტურით ადრე ყველასთვის მიუწვდომელი გახდა.

"შახტარი" უკრაინის ჩემპიონი ისტორიაში მეტხუთმეტედ გახდა.