ბორუსია ბელინგემში 150 მილიონი ევროს მიღებას გეგმავდა, მაგრამ მადრიდის რეალმა ფასი შეამცირა

Sport 1-ის ინფორმაციით, მადრიდის "რეალმა" მოახერხა თანხის საგრძნობლად შემცირება.

წყაროს ცნობით, "სამეფო კლუბი" ინგლისელში 100 მილიონ ევროს გადაიხდის. ასევე, დორტმუნდის "ბორუსიას" სამომავლოდ პრემიების საშუალებით დამატებით 20 მილიონი ევროს მიღების შესაძლებლობა ექნება.

შეგახსენებთ, რომ თავად ბელინგემი მადრიდის "რეალთან" ყველა პირად პირობაზე უკვე შეთანხმებულია. სანტიაგო ბერნაბეუზე გადასვლის მიზნით, ჯუდმა უარი თქვა ინგლისის პრემიერ ლიგის რამდენიმე კლუბზე.