ალესანდრო ნესტა იტალიურ გუნდს უხელმძღვანელებს

47 წლის სპეციალისტის დანიშვნა კლუბმა ოფიციალური ვებგვერდის საშუალებით გამოაცხადა.

ნესტამ კონტრაქტი ერთი სეზონით გააფორმა. ის ავტომატურად გაგრძელდება ერთი წლით, თუ "რეჯიანა" შეინარჩუნებს ადგილს სერია B-ში. 

გუნდი 2022/23 წლების სეზონის შემდეგ იტალიის რანგით მეორე საფეხბურთო დივიზიონში აღზევდა.

ალესანდრო ნესტა ორ წელზე მეტია რაც უგუნდოდ იყო დარჩენილი. 2021 წლის მარტში სპეციალისტმა "ფროსინონე" დატოვა.