ავტორიზაცია
საუდელები არ ჩერდებიან და ჩელსის სენეგალელ დუეტს ეპატიჟებიან
კრიშტიანუ რონალდუს, კარიმ ბენზემას, ნგოლო კანტეს და ჰაკიმ ზიეჩის (თითქმის) შემდეგ, საუდის არაბეთში მორიგ ვარსკვლავებს ეპატიჟებიან.
ფაბრიციო რომანოს ინფორმაციით, საუდელები ჩელსის სენეგალელ დუეტს, ედუარდ მენდის და კალიდუ კულიბალის ტრანსფერზე მუშაობენ.
ორივე ფეხბურთელს ერთი წარმომადგენელი ჰყავს - ფალი რამადანი, რომელიც პოტენციურ ტრანსფერზე საუდელებს უკვე შეხვდა და პირველადი კომუნიკაციაც დაამყარა.
თუმცა, ჯერჯერობით გადაწყვეტილი არაფერია. მენდის წასვლა ჩელსიდან პრაქტიკულად გადაწყვეტილია, კულიბალის კი - ნაკლებად, მაგრამ გამორიცხული არ არის. ნაპოლის ექს-მცველს სტემფორდ ბრიჯზე პირველი სეზონი აშკარად ჩაუვარდა.
