საგა დასრულებულია - ბარსელონამ გავი დაარეგისტრირა, ესპანელმა ხავის ნომერი აიღო

კატალონიურ კლუბს ამის გაკეთების საშუალებას ლა ლიგა გადაჭარბებული სახელფასო ჭერის გამო არ აძლევდა, შესაბამისად გავი ოფიციალურად მეორე გუნდის წევრად მოიაზრებოდა და 30-ნომრიანი მაისურით ასპარეზობდა. 

საბოლოოდ, სიტუაცია დალაგდა და ბარსელონამ 18 წლის ფეხბურთელის კონტრაქტის დარეგისტრირება მოახერხა. 

გავიმ ბარსაში ამჟამინდელი მწვრთნელის, ხავი ერნანდესის 6-ნომრიანი მაისური ოფიციალურად მოირგო.