გაორმაგებული ხელფასი - სანდრო ტონალი კარიერას პრემიერ ლიგაში გააგრძელებს

ფაბრიციო რომანოს ინფორმაციით, ინგლისური კლუბი და ტონალი პირადი კონტრაქტის დეტალების შეთანხმებასთან ახლოს არიან. ფეხბურთელი ხელშეკრულებას 2029 წლამდე გააფორმებს და მისი წლიური ხელფასი 8 მილიონი ევრო იქნება, კიდევ 2-ს კი ნახევარმცველი ბონუსების სახით მიიღებს.

ცნობისთვის, ეს გაორმაგებული ხელფასია იმასთან შედარებით, რასაც ფეხბურთელი ამჟამად „მილანში" იღებს.

„როსონერი" ახალგაზრდა ნახევარმცველის ტრანსფერში კი 75-80 მილიონ ევროს მიიღებს. კლუბები ჯერ საბოლოო ფასზე შეთანხმებულები არ არიან, მაგრამ მოლაპარაკებები განვითარებულ ეტაპზეა და ყველაფერი მალევე უნდა მოგვარდეს.