ავტორიზაცია
"ქართველები წარმატებას მაშინ ვაღწევდით, როცა ერთობა გვქონდა", - სვანაძის კომენტარი
ევროპის 21-წლამდე ჩემპიონატის ჯგუფური ეტაპის მეორე მატჩს საქართველოს ნაკრები ხვალ, ბელგიის წინააღმდეგ გამართავს.
მატჩის წინ კომენტარი ჩვენი ნაკრების მთავარმა მწვრთნელმა რამაზ სვანაძემ გააკეთა.
"პორტუგალიასთან კარგი თამასი ვანახეთ, მაგრამ ხარვეზები იყო და ეს ხარვეზები მომდევნო შეხვედრაში უნდა გამოვასწოროთ. ვფიქრობ, ჯერ ამ ნაკრებს თავისი საუკეთესო მატჩი არ ჩაუტარებია.
ის სულისკვეთება, რაც წინა მატჩში გვქონდა ჩვენც და გულშემატკივარსაც, უნდა შევინარჩუნოთ და ბელგიასთან მატჩში მოედანზე ბოლომდე ვიბრძოლოთ, რათა მიზანს მივაღწიოთ.
ბელგიას საკმაოდ კარგი და დაბალანსებული ნაკრები ჰყავს, შევეცადეთ, ისინი კარგად შეგვესწავლა და შეცდომის დაშვების უფლება არ გვაქვს.
ქართველები წარმატებას მაშინ ვაღწევდით, როცა ერთობა გვქონდა. მადლობა მინდა გადავუხად გულშემატკივარს ასეთი ატმოსფეროს შექმნისთვის და დარწმუნებული ვარ, ხვალ სტადიონი გაივსება, ეს ჩვენთვის უდიდესი მუხტი და მოტივაციაა", - განაცხადა სვანაძემ.
