მილანი მზადაა გიულერის ტრანსფერის გამოსასყიდი თანხა გადაიხადოს

"მილანის" ხელმძღვანელობა მზადაა გუნდი "ფენერბაჰჩეს" თურქი ტალანტით არდა გიულერით გააძლიეროს.

როგორც SportItalia იტყობინება, ჩემპიონთა ლიგის ნახევარფინალისტი გუნდი მზადაა 18 წლის შემტევი ნახევარმცველის განთავისუფლების პუნქტით გათვალისწინებული 17 მილიონი ევრო გადაიხადოს.

გასულ სეზონში თურქმა ნახევარმცველმა ყველა ტურნირზე 35 მატჩი ჩაატარა, 6 გოლი გაიტანა და შვიდი საგოლე პასი გააკეთა.