ვერატიმ საუდის არაბეთიდან მაცდური შეთავაზება მიიღო

იტალიელ ნახევარმცველ მარკო ვერატის, რომელიც ფრანგულ "პსჟ"-ში თამაშობს, საუდის არაბეთის ჩემპიონატში გადასვლა შეუძლია. ამის შესახებ ინსაიდერმა ნიკოლო შირამ განაცხადა.

ჟურნალისტის ინფორმაციით, "ალ-ჰილალმა" ფეხბურთელთან მოლაპარაკება დაიწყო. საუდის არაბეთის კლუბის ხელმძღვანელობა მზადაა ვერატის სამწლიანი კონტრაქტი შესთავაზოს წელიწადში 25 მილიონი ევროს ანაზღაურებით.

იტალიელი პარიზულ გრანდში 2012 წლის ზაფხულიდან თამაშობს. ვერატიმ გასულ სეზონში 38 მატჩი ჩაატარა და ერთი საგოლე პასი გაიტანა. მისი კონტრაქტი 2026 წლის ზაფხულამდეა ძალაში.