2026 წლის მსოფლიო ჩემპიონატის ფინალი MetLife Stadium-ზე გაიმართება

გამოცხადდა 2026 წლის მსოფლიო ჩემპიონატის განრიგი და ცნობილი გახდა ის სტადიონები, სადაც თამაშები ჩატარდება.

ტურნირი 11 ივნისს დაიწყება და 19 ივლისს დასრულდება. ფინალური მატჩი კი MetLife Stadium-ზე (ნიუ ჯერსი) გაიმართება.

MetLife Stadium ნიუ ჯერსის შტატში მდებარეობს და 2010 წელს გაიხსნა. სტადიონი მშენებლობაზე დაახლოებით 1,6 მილიარდი დოლარი დაიხარჯა და 82,500 მაყურებელზეა გათვლილი.

მსოფლიო ჩემპიონატის ყველაზე მეტ, 9 მატჩს დალასში მდებარე AT&T Stadium უმასპინძლებს.