თბილისის დინამო ასტანაში დიდი დანაკლისით ჩავიდა

11 ივლისს, დინამო თბილისი ჩემპიონთა ლიგის პირველი საკვალიფიკაციო ეტაპის მატჩის გასამართად ყაზახეთის დედაქალაქ ასტანაში ჩარტერული რეისით ჩავიდა. გიორგი ჭიაბრიშვილის გუნდი ყაზახეთს 21 ფეხბურთის შემადგენლობით ეწვია. ტრავმების გამო თბილისურ კლუბს ვიცე-კაპიტანი ანზორ მექვაბიშვილი, თორნიკე კირკიტაძე და ზორან მარუშიჩი ვერ დაეხმარებიან.

დინამო თბილისის შემადგენლობა ასტანას წინააღმდეგ:

მეკარეები: გიორგი ლორია, ლუკა კუტალაძე, დავით კერესელიძე

მცველები: ნიკა მალი, გიორგი მაისურაძე, საბა ხვადაგიანი, გაგი მარგველაშვილი, ჯიმი ტაბიძე, ალექსანდრე კალანდაძე, დავით კობოური, ლუკა ლაკვეხელიანი

ნახევარმცველები: ლევან ოსიყმაშვილი, გაბრიელ სიგუა, ბარნს ოსეი, გიორგი ხარაიშვილი, იმრან ულად ომარი, გიორგი მოისწრაფიშვილი

შემტევები: უსმანე კამარა, მუსა სანგარე, დავით სხირტლაძე, ჯადული იობაშვილი
​
ჩვენი გუნდი შეხვედრის მასპინძელ ასტანა არენაზე მატჩისწინა ბოლო ვარჯიშს 11 ივლისს ადგილობრივი დროით 20:00 საათზე გამართავს. საწვრთნელი პროცესის დაწყებამდე კი, მთავარი მწვრთნელი გიორგი ჭიაბრიშვილი პრესკონფერენციაზე მედიის კითხვებს უპასუხებს.

​ჩემპიონთა ლიგის პირველი საკვალიფიკაციო ეტაპის შეხვედრა ადგილობრივ ასტანასა და დინამო თბილისს შორის 12 ივლისს თბილისის დროით 18:00 საათზე დაიწყება, შეხვედრის პირდაპირ რეპორტაჟს საქართველოს პირველი არხი შემოგთავაზებთ.