ანჩელოტი: "მბაპე? შემიძლია გიულერზე, ბელინგემზე, ფრან გარსიაზე ან ბრაჰიმზე გელაპარაკოთ"

მადრიდის „რეალის“ მთავარმა მწვრთნელმა, კარლო ანჩელოტიმ, კილიან მბაპეს შესაძლო ტრანსფერზე საუბარი არ ისურვა.

„მბაპე? მე არასდროს ვლაპარაკობ ფეხბურთელებზე, რომლებიც ჩემს გუნდში არ არიან.

შემიძლია ბელინგემზე გელაპარაკოთ, არდა გიულერზე, ფრან გარსიასა და ბრაჰიმზე, რომელიც „მილანიდან“ ძალიან კარგად დაბრუნდა.

სხვა გუნდის ფეხბურთელებზე ლაპარაკი კი ჩემი აზრით უბრალოდ არასწორია.

კი, „რეალს“ ყველა ტიტულისთვის ბრძოლა ერთი ფორვარდითაც შეუძლია, ასეა.

წლევანდელი შემადგენლობა შარშანდელზე უკეთესია.“, - აღნიშნა ანჩელოტიმ.