ოსიმენი და ნაპოლი ახალ კონტრაქტზე ჯერ ვერ შეთანხმდნენ - ამის მიზეზი ტრანსფერის გამოსასყიდი თანხაა

იტალიური მედიის ცნობით, რამდენიმე დღის წინ, მოლაპარაკების პროცესის გასამართად ნეაპოლში 24 წლის ნიგერიელის აგენტი რობერტო კალენდა ჩავიდა.

La Gazzetta dello Sport-ის ცნობით, ოსიმენის აგენტს ახალ კონტრაქტში 90 მილიონი ევროს გათავისუფლების პუნქტის შეტენა სურს, მაგრამ ეს "ნაპოლისთვის" საკმარისი არ არის. 

Il Corriere dello Sport-ის ცნობით, გათავისუფლების პუნქტი 100 მილიონ ევროს აუცილებლად გადააჭარბებს, მაგრამ "პარტენოპეის" პრეზიდენტს აურელიო დე ლაურენტისს მისი 200 მილიონამდე გაზრდა სურს

ვიქტორ ოსიმენის მოქმედი შრომითი კონტრაქტი 2024/2025 წლების სეზონის ბოლომდეა ძალაში.