ანტე რებიჩი მილანიდან კარიერას თურქეთის ჩემპიონატში გააგრძელებს

„მილანის“ ხორვატი შემტევი ანტე რებიჩი კარიერას თურქულ „ბეშიქთაშში“ გააგრძელებს.

კლუბებმა შეთანხმებას მიაღწიეს, „როსონერი“ სტამბოლური კლუბისგან ბონუსების ჩათვლით 2 მილიონ ევროს მიიღებს.

რებიჩი „ბეშიქთაშთან“ კონტრაქტს 2025 წლამდე გააფორმებს, ამჟამად კლუბები საბუთებს ცვლიან და გადამოწმების პროცესში იმყოფებიან.

თუ გაუთვალისწინებელი არაფერი მოხდა, ტრანსფერი ოფიციალურად ამ უიქენდზე უნდა დადასტურდეს.