პრემიერ ლიგის სუპერკლუბს მბაპეს იჯარის წესით დამატება სურს

ტაბლოიდი The Mirror-ის ცნობით, "ლივერპული" 24 წლის ფრანგი ფეხბურთელის ტრანსფერით ინტერესდება.

როგორც წყაროსთვის გახდა ცნობილი, "მერსისაიდელები" მომავალი სეზონისთვის ფეხბურთელის იჯარით არიან დაინტერესებულნი.

კილიანმა გასულ სეზონში საფრანგეთის ჩემპიონატის 34 მატჩში მიიღო მონაწილეობა. თავდამსხმელი გახდა ტურნირის საუკეთესო ბომბარდირი, გაიტანა 29 გოლი და ხუთი საგოლე გადაცემა გააკეთა.