ლიონი ხორვატიის მცველს ტრანსფერთან ერთ ნაბიჯშია

მისი ამჟამინდელი კლუბი - ინგლისური "საუთჰემპტონი" 25 წლის მოთამაშის გაყიდვას დათანხმდა.

როგორც ჟურნალისტი მაიკ მაკგრატი სოციალურ ქსელში იუწყება, გარიგების ფასი ხუთ მილიონ ევროს შეადგენს. 

დღეს, 2 აგვისტოს, კალეტა-ჩარი "ლიონთან" კონტრაქტის გაფორმებამდე სამედიცინო შემოწმებას გაივლის.

გასულ სეზონში მცველმა "საუთჰემპტონში" პრემიერ ლიგაში 13 მატჩი ჩაატარა, ერთი გოლი გაიტანა და ორი საგოლე გადაცემა გააკეთა.