კარლო ანჩელოტი: "რამდენ ქულას დავუწერდი რეალის პრესეზონს?"

მადრიდულმა კლუბმა ჯერ „მილანს" (3:2) და „მანჩესტერს" (2:0) მოუგო, შემდეგ კი „ბარსელონასთან" (0:3) და „იუვენტუსთან" (1:3) დამარცხდა.

„არ ვართ მიჩვეულები დაცვაში ასე მოდუნებულად თამაშს. დაცვითი ასპექტი გაუმჯობესებას საჭიროებს, ბევრი გოლი გავუშვით. ბალანსი დარღვეულია და ეს უნდა გამოვასწოროთ. თუმცა, ამის გამოსწორება მარტივად შეიძლება - მაგალითად, დაცვის ხაზის ცოტათი ქვემოთ ჩამოწევით.

რამდენ ქულას დავუწერდი „რეალის" პრესეზონს? 10-დან 6-ს. აშკარაა, რომ დაცვის პრობლემები გასაუმჯობესებელია. შეტევაზე არა ვღელავ - საკმარისი მომენტები შევქმენით. ვფიქრობ, ოთხივე თამაშში მატჩის მიმდინარეობას ვაკონტროლებდით, მე უფრო დაცვა მადარდებს.

არის რაღაცები, რაც გასაუმჯობესებელია, მაგრამ ეს კოლექტიური პრობლემაა." - აღნიშნა იტალიელმა.