ბელინგემი ნაპოლისა და მადრიდის რეალის მატჩის საუკეთესო ფეხბურთელად დასახელდა

ჩემპიონთა ლიგის ცენტრალური შეხვედრა იტალიაში, "ნაპოლისა" და "რეალს' შორის შედგა და მადრიდელთა გამარჯვებით 2:3 დასრულდა.

მორიგი გამორჩეული შეხვედრა ჩაატარა ჯუდ ბელინგემმა, რომელმაც 27-ე წუთზე ვინისიუსს გაატანინა, ხოლო 34-ე წუთზე შედევრი შექმნა (1:2).

ინგლისელი ნახევარმცველი შეხვედრის საუკეთესო მოთამაშედ აღიარეს.