ბარსას მცველი ანდრეას კრისტენსენი: "ბელინგემის კარგი სტარტი უკვე მაღიზიანებს"

ანდრეას კრისტენსენმა ჯუდ ბელინგემის „რეალში“ კარგი სტარტით გაღიზიანება გამოთქვა.

„მისი კარგი სტარტი უკვე გამაღიზიანებელია, განსაკუთრებით როცა ზიხარ და უყურებ, რა შედეგებს აღწევს.

ბოლო პერიოდია ის ყველა მატჩში იტანს და თამაშების ბედს წყვეტს. უკვე თვლა ამერია, რამდენი გოლი აქვს გატანილი.

მან ლა ლიგა პირველივე მატჩებიდან დაიპყრო. სიმართლეა, რომ „რეალმა“ დიდებული ფეხბურთელი დაიმატა, რომელიც ბევრ მატჩში შეასრულებს საკვანძო როლს.“, - აღნიშნა „ბარსელონას“ მცველმა.