ფერგის წასვლის შემდეგ საუკეთესო - ციფრები ერიკ ტენ ჰაგისკენაა

ბოლო ათი წლის მანძილზე ერიკ ტენ ჰაგს „მანჩესტერ იუნაიტედში“ მწვრთნელებს შორის საუკეთესო შედეგი აქვს დაფიქსირებული.

2022 წლის ზაფხულიდან ნიდერლანდელის ხელმძღვანელობით გუნდმა 77-დან 48 მატჩი მოიგო - 62.34%, რაც სერ ალექს ფერგიუსონის წასვლის შემდეგ საუკეთესო მაჩვენებელია.

ყველაზე ცუდად ამ წლებში თავი რალფ რანგნიკმა გამოიჩინა, რომელიც გუნდს 2021 წლის ბოლოდან 2022 წლის ზაფხულამდე თავკაცობდა, მან მატჩების 37.93% მოიგო.

ოლე-გუნარ სოლსკიაერის (2018-2021) შედეგი 54.17% შეადგენს, ჟოზე მოურინიოსი (2016-2018) – 58.33%, ლუი ვან გაალის (2014-2016) – 52.43%, დევიდ მოიესის კი (2013-2014) – 52.94%.