ტენ ჰაგმა რაშფორდი მანჩესტერ სიტისთან მარცხის შემდეგ წვეულებაზე წასვლის გამო გააკრიტიკა

"მანჩესტერ იუნაიტედის" მთავარმა მწვრთნელმა ერიკ ტენ ჰაგმა კრიტიკულად ისაუბრა გუნდის თავდამსხმელის მარკუს რაშფორდის მიერ ინგლისის ჩემპიონატში "მანჩესტერ სიტისთან" საშინაო მარცხის (0:3) შემდეგ წვეულებაზე წასვლის შესახებ.

„ვიცი, რომ წვეულება იყო, რაშფორდს ვესაუბრე ამის შესახებ. ეს ყველაფერი მიუღებელია და მე მას ვუთხარი  ამის შესახებ. მარკუსმა ბოდიში მოიხადა“, - განუცხადა ნიდერლანდელმა სპეციალისტმა BBC Sport-ს.

პრემიერ ლიგის მიმდინარე სეზონში 26 წლის თავდამსხმელმა ათი მატჩი ჩაატარა, რომელშიც ერთი გოლი გაიტანა და ამდენივე საგოლე პასი გააკეთა.