ნუკრი რევიშვილი: "ხვიჩას რეალში ან ბარსელონაში თამაში სურს"

"ნაპოლის გარდა რომელი კლუბები იყვნენ ხვიჩას შეძენასთან ყველაზე ახლოს? იუვენტუსი და რომა. ინგლისიდან და ესპანეთიდანაც ბევრი გუნდი გახლდათ დაინტერესებული. მაგრამ ისეთი ინტერესი არავისგან არ ყოფილა, როგორც ნაპოლისგან.

მჯეროდა, ხვიჩას იტალიაში ყველაფერი გამოუვიდოდა. დიდი ნიჭის მქონე მოთამაშეები ჩვეულებრივ ზარმაცები არიან. მაგრამ ხვიჩა არანორმალურად შრომისმოყვარეა. 

ის უკვე ნაპოლის ლიდერია, მაგრამ უკეთეს გუნდში სურს თამაში. მადრიდის რეალში, ან ბარსელონაში. მას ყოველთვის აქვს ზრდის მოტივაცია“, - ციტირებს რევიშვილის სიტყვებს Sport24.

2023/2024 წლების სეზონში კვარაცხელიამ იტალიის ჩემპიონატში ნეაპოლური გუნდის შემადგენლობაში 11 მატჩი ჩაატარა, რომელშიც სამი გოლი გაიტანა და სამი საგოლე გადაცემა შეასრულა.