საქართველო 2:1 მოლდოვა - 19-წლამდელების მეორე მოგება და 6 ქულა ჯგუფში

საქართველოს 19-წლამდე ნაკრებმა, ევროპის ჩემპიონატის საკვალიფიკაციო რაუნდის მეორე ტურის მატჩში, მიხეილ მესხი 2-ზე მოლდოვას უმასპინძლა და მეტოქე - 2:1 დაამარცხა.

შეხვედრაში დუბლის გატანა შეძლო ჩვენი ასაკობრივი გუნდის ფორვარდმა - ლუკა შეროზიამ. 19-წლამდელების ცხრიანმა, ანგარიში მე-8 წუთზე, თერთმეტმეტრიანით გახსნა, ხოლო 65-ზე მეტოქის საჯარიმოში ზუსტად ითამაშა და საბოლოო ანგარიში დააფიქსირა.