4 გოლი 3 მატჩში - ხვიჩამ ზედიზედ მესამეში შეაგდო

ხვიჩა კვარაცხელიამ სერია ა-ს მორიგ ტურში მოახერხა გოლის გატანა და ზედიზედ მე-3 თამაშში გამოიჩინა თავი.

„ნაპოლის“ ვინგერმა 44-ე წუთზე დი ლორენცოს ჩაწოდების შემდეგ თავით მოახერხა ბურთის ბადეში გახვევა.

წინა ორ შეხვედრაში, კვარაცხელიამ თავისი გოლებით შოტლანდიის (ორჯერ) და ესპანეთის კარი აიღო.

მიმდინარე სეზონში 22 წლის ვარსკვლავის ანგარიშზე 22 მატჩი, 9 გოლი და 5 საგოლე გადაცემაა.