ტენ ჰაგსა და ვარანს შორის ურთიერთობა მანჩესტერულმა დერბიმ დაძაბა - ფრანგის წასვლა სულ უფრო რეალური ხდება

ერიკ ტენ ჰაგსა და რაფა ვარანს შორის ურთიერთობა განსაკუთრებით მანჩესტერული დერბის შემდეგ აირია.

Daily Mail-ის ინფორმაციით, ფრანგმა მცველმა ვერ გაიგო, ასეთ მნიშვნელოვან მატჩში მის ნაცვლად სასტარტოში ადგილი ჯონი ევანსმა რატომ დაიკავა.

საბოლოოდ, მწვრთნელსა და ფეხბურთელს შორის უთანხმოება იქამდე მივიდა, რომ 2018 წლის მსოფლიო ჩემპიონი „იუნაიტედიდან“ იანვარშივე აბარგებაზე სერიოზულად დაფიქრდა.

პირველად რეპორტებს თუ დავუჯერებთ, ვარანის წასვლას დიდად არც კლუბი აღუდგება წინ, თუ რომელიმე მსურველი 20-30 მილიონს გადაიხდის.