ბარსელონამ შესაძლოა Nike-თან კონტრაქტი გაწყვიტოს

კატალონიური "ბარსელონას" ხელმძღვანელები ამერიკულ კომპანია Nike-თან თანამშრომლობის გაწყვეტას სპონსორობის ხელშეკრულებიდან არადამაკმაყოფილებელი შემოსავლის გამო გეგმავენ. ამის შესახებ პორტალი Sport.es იუწყება.

შეთანხმების მიხედვით, Nike-თან კონტრაქტი "ბლაუგრანას" ყოველწლიურად 155 მილიონ ევროს მოაქვს. ეს თანხა კატალონიური გრანდის მფლობელებს არ აკმაყოფილებთ, ისინი მიიჩნევენ, რომ ეს საბაზრო ფასებზე გაცილებით დაბალია.