ოფიციალურად: ბრაიან სარაგოსა მიუნხენის ბაიერნის ფეხბურთელია

ესპანელი ნახევარმცველი ბრაიან სარაგოსა ზაფხულის სატრანსფერო ფანჯარაში "გრანადადან" მიუნხენის "ბაიერნში" გადავა. ამის შესახებ მიუნხენური გრანდის ოფიციალური ვებ-გვერდი იტყობინება.

სარაგოსამ "ბაიერნთან" კონტრაქტი უკვე გააფორმა, რომელიც 2029 წლის  ზაფხულამდე იქნება ძალაში.

2023/2024 წლების სეზონის ესპანეთის ჩემპიონატში ბრაიან სარაგოსამ 14 მატჩი ჩაატარა, რომელშიც 22 წლის ნახევარმცველმა ხუთი გოლი გაიტანა და ორი საგოლე გადაცემა გააკეთა.