ოფიციალურად: ენცო მარესკა ჩელსის მთავარი მწვრთნელია

იტალიელი მწვრთნელი "არისტოკრატებთან" კონტრაქტს 2029 წლამდე (+1 წლით გახანგრძლივების პერსპექტივით) გააფორმებს. 44 წლის სპეციალისტს სამწვრთნელო შტაბში 6 წევრი ეყოლება, მათ შორის, მისი ასისტენტი და ლონდონური კლუბის ყოფილი არგენტინელი მეკარე - ვილი კაბალიერო.

ვილფრედოს გარდა, შტაბში იქნებიან: დენი უოკერი, მიკელე დე ბერნარდინი, მარკოს ალვარესი, ხავი მოლინა და რობერტო ვიტიელო. ამასთან, გუნდს მეკარეების მწვრთნელად ბენ რობერტსი შეუერთდება, ბერნარდო კუევა კი სტანდარტულების დამუშავებაზე იმუშავებს.

მარესკა 2020-2021 წლებში მანჩესტერ სიტიში პეპ გვარდიოლას ასისტენტი იყო, შემდეგ ცოტა ხნით პარმაში იმუშავა, მერე კი ლესტერი ჩაიბარა, გასულ სეზონში ჩემპიონშიფში პირველი ადგილი დაიკავა და გუნდი პრემიერ ლიგაში დააწინაურა.