პარი სენ-ჟერმენმა მატვეი საფონოვის ტრანსფერი შეათანხმა

ფაბრიციო რომანოს ცნობით, კრასნოდარის მეკარის, მატვეი საფონოვის პარი სენ-ჟერმენში ტრანსფერი გადაწყდა.

პსჟ რუსი კიპერის სანაცვლოდ ფიქსირებულ 20 მილიონ ევროსა და პლუს ბონუსებს გადაიხდის. სამედიცინო შემოწმების შემდეგ, საფონოვი ფრანგულ კლუბთან 5-წლიან კონტრაქტს გააფორმებს.

25 წლის ფეხბურთელს საზღვარგარეთ ჯერ არ უთამაშია. ის კრასნოდარის აკადემიის პროდუქტია, პირველ გუნდში კი 2017 წლიდან თამაშობს. 2021 წელს მატვეი რუსეთის ნაკრებშიც გამოიძახეს.